Christian Tramitz

Honorigoj
Honorigoj	Romy (en) ; vd

**Christian Tramitz**
Christian Tramitz
Persona informo
	Christian Tramitz
Naskiĝo	la 13-an de julio 1955; en Munkeno, Germanio
Lingvoj	germana vd
Ŝtataneco	Germanio vd
Alma mater	Zerboni Acting School (en) vd
Profesio
Okupo	aktoro ; scenaristo ; filmaktoro ; komikisto ; voĉaktoro ; aŭtoro ; televida aktoro vd
Aktiva dum	1981 ĝis nun
Honorigoj
Honorigoj	Romy (en) ; vd
vd	Fonto: Vikidatumoj
	v • d • r

Christian Tramitz (prononco [KRIStjan TRAmits], naskiĝis la 13-an de julio 1955(nun 1955-07-13), do nun 69-jara) estas germana aktoro, komikisto, dublisto kaj verkisto.

Vivo

Christian Tramitz estas la filo de la filmproduktisto Rudolf Tramitz kaj de ties edzino Monica, kies patro Paul Hörbiger, estis tre renoma aktoro, kaj en kies familio kreskis pluraj pliaj talentaj aktoroj. Tamen Christian Tramitz malgraŭ tiu arteca familio ne rektvoje iĝis aktoro, sed unue studis artan historion, filozofion kaj teatrosciencon. Tamen paralele li ankaŭ prenis lecionojn de aktorado, ĉe la instruistino Ruth von Zerboni, kaj de ludado je violino, en la muzika konservatorio de Munkeno.

Ekde la 1980-aj jaroj li amplekse profesie aktivas pri la aktoreca germanlingva dublado de alilingvaj kinejaj filmoj, kaj realaktoraj kaj animaciaj. Ekde decembro 1996 li unuafoje aktore videblis en televida serio. Publike li tamen aparte konatiĝis en komikista triopo kun la kolegoj Michael („Bully“) Herbig kaj Rick Kavanian - kiel aktoro kaj skeĉisto en la televida programo Bullyparade, kaj en pluraj sukcesaj kinejaj filmoj de la triopo, ekzemple Der Schuh des Manitu, kiu senrespekte parodiis la filmojn de Winnetou el la 1960-aj jaroj, kaj (T)raumschiff Surprise Periode 1, kiu same senrespekte primokis la unuan sezonon de la usona scienc-fikcia serio Star Trek. Sed ankaŭ en pluraj aliaj kinejaj filmoj li estas gasto, en kompare iom pli seriozaj roloj, ekzemple en la produktaĵo Keinohrhasen.